|
پرۆسا دهنگدانا تایبهت ل نهخوهشخانا ئازادى دهستپێكر
عماد یوونس–دهۆك: پرۆسا ههلبژارتنا تایبهت یا جڤاتێن نوونهرێن
عیراقا فدرال، سپێدههیا ئهڤرۆ ل نهخوهشخانا ئازادى
دهستپێكریه و ب ئاوایهكى رێك و پێك ب رێڤه دچه، ل دۆر چاوانیا
پرۆسا دهنگدانێ ل نهخوهشخانا ئازادى پارێزهر عمادهلدین حهمید
بۆ رادیۆیا دهۆك گۆت: پرۆسا دهنگدانا تایبهت ب ئاوایهكى باش و
ئازادانه ب رێڤه دچه، تا نووكه چ ئاریشه پهیدانهبوویه،
ههژمارا دهنگدهرا ل نهخوهشخانا ئازادى ب شێوهیهكى گشتى
دگههێته / ٨٥٦ / كهسا دهنگێ خوه بدهن د ڤێ پرۆسا دهنگدانێ
دا.
پرۆسا دهنگدانا تایبهت ل پارێزگهها دهۆكێ دهستپێكر
فهرسهت حاجى–دهۆك: دهنگدانا تایبهت ل چاكسازیا مهزن ل دهۆكێ
بۆ نوونهرێن جڤاتا عیراقا فدرال دهستپێكر، ل بنگههێ چاكسازیا
تایبهت دهنگدان ب ئاوایهكى ئاسایى و ئازادانا ب رێڤه چوو، ل
دیف پێزانینێن گههشتین رادیۆیا دهۆك پتر ژ / ٣٠٠ / زیندانیا دێ
دهنگێ خوه دهن، ل دۆر ڤێ چهندێ رێڤهبهرێ بنگههێ چاكسازیا
گۆت: پرۆسه ب ئاوایهكى دیمۆكراتیانه ب رێڤه دچه و چاڤدێرێن
ههمى لایهنێن سیاسى ل سندۆقێن دهنگدانێ ئامادهنه، تا نووكه چ
ئاریشه پهیدانهبوونه.
ل دهمژمێر / ٧ / سپێدێ ل دهڤهرا قهسرۆكێ پرۆسا دهنگدانا
تایبهت دهستپێكر
میرخان قههرهمان–قهسرۆك: ل دهمژمێر / ٧ / سپێدههى یا ئهڤرۆ
پرۆسا دهنگدانا تایبهت ل سهرانسهرى عیراقێ و كوردستانێ
دهستپێكریه، دهڤهرا قهسرۆكێ مینا ههر دهڤهرهكا دى یا
پرۆسا دهنگدانێ لێ دهێت ئهنجامدان، دهست ب پرۆسا خوه یا
دهنگدانا تایبهت كر بۆ هێزێن ناڤخۆ و پۆلیس و پێشمهرگه و
بنگههێن نهخوهشخانا، ئهڤ چهنده دهێته ئهنجامدان دا كۆ
پۆلیس و پێشمهرگه و هێزێن ناڤخۆ ل رۆژا دهنگدانا گشتى كاودانێ
عهولهكارى یێ بپارێزن.
پرۆسا دهنگدانا تایبهت ب ئاوایهكێ رێك و پێك ب رێڤه دچه
كاوا ئالیخان–دهۆك: ل دۆر چاوانیا ب رێڤهچوونا پرۆسا ههلبژارتنێن
تایبهت یێن جڤاتا نوونهرێن عیراقا فدرال ل بنگههێن دهنگدانێ،
لیوا واعهدهڵا سێلكى وهك وهلاتیه و وهك رێڤهبهرێ بنگههێ
پۆلیسێن دهۆكێ بۆ رادیۆیا دهۆك گۆت: ئهڤرۆ رۆژهكا گهلهكا
پیرۆزه بۆ ملهتێ كورد، ژ بهر كۆ ئهڤرۆ ئازادانه یێ نوونهرێن
خوه د ههلبژێرن، ئهڤ پرۆسه ب چاڤدێریا نوونهرێن بیانى و
ناڤخۆیى ب ئاوایهكى ئازادانه و دیمۆكراتیانه ب رێڤه دچه، ههر
وهسان وهلاتى ب خوه شاهدن ل سهر پاقژیا پرۆسا دهنگدانا
تایبهت.
ژ بۆ ژ نێزیك ئاگههداربوون ل سهر پرۆسا ههلبژارتنێ تایبهت
چاڤدێرێن بیانى و ناڤخۆ سهرهدانا بنگههێن دهنگدانێ دكن
كاوا ئالیخان–دهۆك: ل دۆر چاوانیا ب رێڤهچوونا پرۆسا دهنگدانا
تایبهت ل پارێزگهها دهۆكێ، بهرپرسێ بنگههێ جگهرخوین یێ
دهنگدانا تایبهت بهرزى صدقى حسێن بۆ رادیۆیا دهۆك گۆت: ل
دهمژمێر / ٧ / سپێدێ مه دهرگههێن بنگههێن دهنگدانا تایبهت
ڤهكرن، ل دهمژمێر / ٨ / سپێدێ پێشمهرگه و پۆلیس و هێزێن ناڤخۆ
یێن ناڤێن وان ل ڤى بنگههى قهستا بنگههێ مه دكهت ژ بۆ
دهنگدانێ، تا نووكه پرۆسا دهنگدانێ ب ئاوایهكى زۆرێ باش ب
رێڤهدچه و چهندین پهیامنێر و چاڤدێرێن بیانى و ناڤخۆیى قهستا
بنگههێ مه كریه دا كۆ ژ نێزیك ئاگههدارى چاوانیا پرۆسا
دهنگدانێ بن.
ل بنگههێ میدیا / ٣١٩٤ / دهنگدهر دێ دهنگێ خوه دهن
كاوا ئالیخان–دهۆك: د گهش و ههوایهكێ صارده و ب بهرههڤبوونا
چاڤدێرێن نیڤدهولهتى و بیانى و ناڤخۆیى، ل دهمژمێر / ٧ / سپێدێ
دهرگههێ دهنگدانا تایبهت هاته ڤهكرن بۆ ههلبژارتنێن جڤاتا
نوونهرێن عیراقا فدرال، ئهڤ ههلبژارتنه یا تایبهت بۆ هێزێن
ناڤخۆ و پۆلیس و پێشمهرگه و زندانیان و نهخوهشخانان، ل دۆر ڤێ
چهندێ بهرپرسێ بنگههێ میدیا / زیاد تاهر / بۆ رادیۆیا دهۆك گۆت:
نێزیكى / ٣١٩٤ / دهنگدهر دێ ل ڤى بنگههێ دهنگێ خوه دهن و
پرانیا وان سهر ب هێزێن ناڤخۆڤه نه.
كهسێن ناڤێن وان نه دهركهتین ناڤێ وان هاتینه نڤیسین بۆ
كۆمسیۆنا بلند هاتینه رهوانهكرن
رادیۆیا دهۆك: نوونهرێ لستا ههڤپهیمانیا كوردستانێ ل پارێزگهها
دهۆكێ / بهجهت ئاڤدل ل دۆر پرۆسا دهنگدانا تایبهت بۆ رادیۆیا
دهۆك گۆت: ئهڤرۆ ل دهمژمێر / ٧ / سپێدێ دهنگدانا تایبهت ل
سهرانسهرى عیراقێ دهستپێكریه، ئهڤ دهنگدانه پۆلیسێن هاتن و
چوونێ و هێزێن پێشمهرگههى و ئاسایش و پۆلیسێن ناڤخۆ و
نهخوهشخانا ب خوهڤه دگریت، تا ڤێ گاڤێ مه سهرهدانا ههمى
بنگههێن دهنگدانێ كریه و پرۆسه ب شێوهكێ شارستانى و دیمۆكراسى
ب رێڤه دچه، دشێم بێژم ژ پرۆسا دهنگدانا پهرلهمانێ كوردستانێ
یا بوورى رێك و پێكتره و مفا ژ كێماسیێن بهرى نووكه
وهرگرتینه، راسته ناڤێن چهند كهسهكا نه دهركهتینه بۆ ڤێ
مه ناڤێن وان نڤیسینه و دێ دهینه كۆمسیۆنێ و د پرۆسا ٧/٣
پشكداربن و مافێ وان نههێت سۆتن.
خهلكێ زمار پشتهڤانیا خوه بۆ لستا ههڤپهیمانیا كوردستانى
نیشانددهن
محهمهد شێبانى–زمار: ل دۆر پشتهڤانیكرنا خهلكێ دهڤهرا زممار
بۆ لستا ههڤپهیمانیا كوردستانى ژماره / ٣٧٢ /، سهرۆك هۆزا میسا
رهشا ل دهڤهرا زممار مهسن یووسف تهمهر بۆ رادیۆیا دهۆك گۆت:
ئهز داخوازێ ژ ههمى خهلكێ دهڤهرا زممار دكم كۆ رۆژا دهنگدانێ
ب بهرفرههى پشكداریێ د پرۆسا ههلبژارتنان دا بكن و دهنگێ خوه
بدهن لستا ههڤپهیمانیا كوردستانى ژماره / ٣٧٢ /، ژ بهر كۆ
تاكه لسته بهرهڤانیێ ژ دهڤهرا زممار دكهت، بۆ وێ چهندێ
ڤهگهرینیت باوهشا ههرێما كوردستانێ.
ل دهڤهرا ئامێدیێ پرۆسا دهنگدانا تایبهت ل دهمژمێر / ٨ / سپێدێ
دهستپێكر
دلشاد برجى–ئامێدیێ: ل دهڤهرا ئامێدیێ وهكو ههمى دهڤهرێن دى
یێن عیراقا فدرال پرۆسا ههلبژارتنا تایبهت دهستپێكرى، بنگههێ
یزهت ئامێدى ل ئامێدیێ هاته تهرخانكرن بۆ ب رێڤهچوونا پرۆسا
دهنگدانا تایبهت، ل دۆر چاوانیا ب رێڤهچوونا پرۆسا دهنگدانا
تایبهت ل ئامێدیێ، نهقیب مێڤان رهووف بۆ رادیۆیا دهۆك گۆت،
ئهڤرۆ ل دهمژمێر / ٨ / سپێدێ وهكو وهلاتیهك ئهم چوونه پرۆسا
دهنگدانێ، ژ بهر دا كۆ بشێن ل رۆژا ٧/٣ ب كارێ خوه یێ پاراستنا
عهولاكارى رابن ل دهڤهرا ئامێدیێ ب مهرهما وێ چهندێ وهلاتى
بێ ترس قهستا سندۆقێن دهنگدانێ بكن.
ل دهڤهرا سێمێلێ پرۆسا دهنگدانا تایبهت دهستپێكر
سهباه خهلهف–سێمێل: ل دیڤ وێ بهرنامێ كۆمسیۆنا بلندا
ههلبژارتنا دانایى، ئهڤرۆ ل دهمژمێر / ٨ / سپێدێ پرۆسا
دهنگدانا تایبهت ل دهڤهرا سێمێلێ دهستپێكر، ل دۆر چاوانیا ب
رێڤهچوونا پرۆسا دهنگدانێ ل دهڤهرا سێمێلێ ژ بۆ هێزێن
عهولهكارى و پۆلیس و پێشمهرگههى و نهخوهشیێن نهخوهشخانا،
حسێن عارف وهك دهنگدهرهك بۆ رادیۆیا دهۆك گۆت: ب دیتنا من
پرۆسا دهنگدانێ ئازادانا ب رێڤه چوویه و ههمى بنهمایێن پرۆسا
دهنگدانێ تێدا دهاتن دیتن، ههر وهسان ئهڤ پرۆسه ل پێشچاڤێن
چاڤدێرێن بیانى و ناڤخۆیى ب رێڤهچوو.
ل باژێرێ كهركووكێ ناڤێن / ١١٣ / كهسان نههاتیه
هیوا هساممهدین–كهركووك: ل باژێرێ كهركووكێ پرۆسا دهنگدانا
تایبهت ل دهمژمێر / ٧، ٣٠ / سپێدێ بۆ هێزێن ناڤخۆ و پۆلیس و
پێشمهرگه و بنگههێن نهخوهشخانا دهستپێكر. ل سنۆرێ پارێزگهها
كهركووكێ / ٢٥ / هزار كهس دێ پشكداریێ د ڤێ دهنگدانێ دا كهت،
پرۆسا دهنگدانێ ب ئاوایهكى رێك و پێك ب رێڤه دچه، لێ ناڤێن /
١١٣ / كهسان نههاتیه دا كۆ پشكداریێ د دهنگدانێ دا بكن، ناڤێن
ڤان / ١١٣ / كهسان دایه كۆمسیۆنا بلندا ههلبژارتنا دا كۆ ناڤێن
وان بۆ رۆژا ٧/٣ دروستبكهن ب مهرهما وێ چهندێ ژ مافێ خوه یێ
دهنگدانێ بێ بههر نهبن.
ل سلێمانیێ پرۆسا دهنگدانا تایبهت دهستپێكر
هێڤى هێوا–سلێمانیێ: ل باژێرێ سلێمانیێ وهكى ههمى باژێرێن دى یێن
عیراقێ و كوردستانێ پرۆسا دهنگدانا تایبهت ب ئاوایهكى
شهفافیانه ب رێڤه دچه، د ڤێ پرۆسا دهنگدانا تایبهت دا یا كۆ
ب تهنێ پۆلیس و ئاسایش و پێشمهرگه و نهخوهخانا ب خوه ڤه
دگریت، د ڤێ پرۆسا دهنگدانێ دا / ٦٠ / هزار و / ٩٠٠ / دهنگدهر ب
سهر چار بنگههێن دهنگدانێ دا دابهشكرن، ئهڤ پرۆسه ب شێوهكى
زۆر باش ب رێڤه دچه.
ل دهڤهرا تڵعهفهر دهنگدانا تایبهت ب ئاوایهكى هێمنانه ب
رێڤه چوو
محهمهد شێبانى–زمار: ل دۆر چاوانیا ب رێڤهچوونا پرۆسا دهنگدانا
تایبهت ل دهڤهرا تڵاعهفهر / وهیسى نایف / بهرپرسێ لژنا
ناوچا تڵاعهفهر یا پدك بۆ رادیۆیا دهۆك گۆت: پرۆسا دهنگدانا
تایبهت ل دهمژمێر / ٨ / سپێدێ ل دهڤهرێ دهستپێكر، پرانیا
هێزێن ناڤخۆ و پۆلیس و پێشمهرگه قهستا سندۆقێن دهنگدانێ دكهت،
دا كۆ بهربژێرێ خوه یێ راستهقینه ههلبژێرن، ئهڤ پرۆسه ب
ئاوایهكى رێك و پێك ب رێڤه دچه، لێ جهێ داخێیه ل كۆلانهكا
تڵاعهفهر تهقه ژ لایێ چهند كهسێن نه نیاسڤه ل دهنگدهرا
هاته كرن، لێ ههر زوو كۆنترۆل ل سهر هاته كرن.
ل سنۆرێ باژێرێ زاخۆ ژ / ٦ / هزار دهنگدهر دێ پشكدارى یێ د پرۆسا
دهنگدانا تایبهت دا كهن
خالد اسماعیل–زاخۆ: ئهڤرۆ سپێدێ ل باژێرێ زاخۆ پرۆسا دهنگدانا
تایبهت یێ گرێدایى ب هێزێن پۆلیس و ئاسایش و پێشمهرگه و
نهخوهشخانا و زیندانیانڤه دهستپێكر، دهێته پێشبینى كرن كۆ پتر
ژ / ٦ / هزار كهسان پشكدارى یێ د ڤێ پرۆسا دهنگدانێ دا بكهن،
پرۆسه ب ئاوایهكى سهركهفتیانه ب رێڤه دچه چ پێشلكارى یێن
یاسایى نه هاتینه ئهنجامدان.
ل ههولێرا پاتهخت / ٦٧٢ / بگههێن دهنگدانێ كهفتینه د خزمهتا
پرۆسا دهنگدانا تایبهتدا
سامان ستار–ههڤكارێ رادیۆیا دهۆك ژ ههولێر: ل دۆر چاوانیا پرۆسا
ههلبژارتنا تایبهت ل ههولێر یا پایتهخت، ههڤكارێ رادیۆیا دهۆك
گۆت: پرۆسا دهنگدانا تایبهت ل ههولێر ب ئاوایهكى زۆر هێمن و
دیمۆكراتیانه ب رێڤه دچه و ل سنۆرێ پارێزگهها ههولێر نێزیكى /
٦٧٢ / بنگههێن دهنگدانێ ههنه، سهرجهم هێزێن ناڤخۆ و
پێشمهرگه و ئاسایش و زێرهڤانى و زندانیێن زیندانا و نهخوهشێن
بنگههێن نهخوهشخانا د گهل رێڤهبهر و كارمهندێن بنگههێن
نهخوهشخانا قهستا بنگههێن دهنگدانێ دكن ب مهرهما وێ چهندێ
نوونهرێ خوه یێ راستهقینه ههلبژێرن.
ئهڤرۆ هێزێن ناڤخۆ و پێشمهرگه دكارن ئازادانه نوونهرێ خوه
دهست نیشانبكن
ئهنوهر هۆستانى–بارزان: بۆ پتر ئاگههداربوون ل سهر پرۆسا
ههلبژارتنا تایبهت ل دهڤهرا بارزان، رێڤهبهرێ بنگههێ بلێ یێ
ههلبژارتنێن تایبهت وهحید رهشید بۆ رادیۆیا دهۆك گۆت: ئهڤرۆ
رۆژهكا مێژووییه د دیرۆكا ملهتێ كورد دا ژ بهر ئهڤرۆ ههمى
هێزێن ناڤخۆ و زێرهڤانى و پێشمهرگه و بنگههێن نهخوهشخانا دێ
ئازادانه نوونهرێن خوه یێ راستهقینه ههلبژێرن یێ كۆ وان
باوهرى پێ ههیه دێ ل بهغدا د ناڤ پهرلهمانێ عیراقێ دا
پشتهڤانى یێ ل مافێ وان كهت.
|
